الجديد الأقسام الأخبار راسلنا

فيلم صراع المحترفين

 لمشاهدة جديد الفيديوهات اضغط هنـــا

اخبرنا عن فيديو لا يعمل من هنا

43 عدد المشاهدات

  • Thanks! Share it with your friends!

    You disliked this video. Thanks for the feedback!

Hayeil-TV
Published
بعد نكسة ٦٧ ظهرت مجموعة أفلام خفيفة كلها فنتازيا للتخفيف عن الناس وهمومها والصدمة اللى حصلت للمجتمع كله ، فكان فيه أفلام زى العتبة جزاز وشنبو فى المصيدة وحواء والقرد وغرام على الطريق الزراعى وغيره كتير من افلام الفترة دى ، وده شئ كويس ومتفهم مفيهوش حاجة يعنى
من ضمن الافلام دى ، فيلم النهاردة اللى اسمه ( صراع المحترفين ) بطولة مجموعة محبوبة من النجوم زى رشدى أباظة ومحمود المليجي وتوفيق الدقن ونجلاء فتحى ونجوى فؤاد وسعفان ابراهيم وغيرهم
فيلم لطيف وخفيف تجمعت فيه عوامل الجذب السينمائي كلها ، بطل الفيلم جان محبوب ومعاه شرير الشاشة محمود المليجي ومعاهم اظرف الأشرار توفيق الدقن وكمان نجوى فؤاد واستعراضاتها اللطيفة والوجه الجديد وقتها نجلاء فتحى
الفيلم فيه عصابة يتزعمها عمنا المليجى اللى هو الغرباوى بيه صاحب مراكب الصيد ورجل الأعمال المعروف اللى يبقى ابو نجلاء فتحي وجوز الست نجوى فؤاد وبيدخل بينهم الظابط وحيد بتكليف من الداخلية عشان يقبض عليه وكدا
العصابة عاملة احلى شغل وبتهرب كل الممنوعات فى البحر ، اشى مخدرات على سبايك دهب على امشاط وفلايات وسلك مواعين وشواحن سامسونج وكافة شئ يا مؤمن وفيه اكشن حلو وبدل غوص ومتفجرات وضرب وشغل عالى معملهوش الفنان حمادة هلال بجلالة قدره فى أسطورة المداح
كل ده حلو وجميل والناس بتحبه وتدفع فلوس وتدخل السيما عشان تشوف ده كله .... لحد هنا وتمام ، لكن اللى تعبنى نفسياً ومقدرتش اهضمه ولا حتى بالفوار ، هو السيم وكلمة السر بتاعة الغرباوى بيه بينه وبين رجالة العصابة اللى بيقولها لهم فى اللاسلكى .... يعنى خد عندك كدا :
- يا نايم فى العسل ، البصل وصل
- كُل البطيخ قبل الطبيخ
- التعلب فات فات فى ديله سبع لفات
- هز يا وز
- نزل الخُرج فى البرج
مش فاهم انا كلمة سر ايه دى اللى فيها هز يا وز دى ، ليه ؟ هو رئيس العصابة يبقى الست تحية كاريوكا ولا الست سهير زكي ؟
وايه كل البطيخ قبل الطبيخ دى ، ايه المطلوب يعنى ؟
وتعلب ايه اللى فات فات فى ديله سبع لفات ؟
ومين ده اللي نايم فى العسل عشان البصل وصل ده ؟
وايه كمان الخرج اللى ح ينزل فى البرج ؟
كلمة سر بتاعة عصابة دى ولا ميدو وسوسو بيلعبوا استغماية وعملوا لهم كلمة سر ؟ دى كلمة سر لو اعترضها البوليس ح يموت على نفسه من الضحك وح يسيب العصابة تهرب الممنوعات عشان خفة دمها والله
دى على كدا عصابة محتاجة الشرطة المدرسية اللى تقبض عليهم مش مباحث التهريب وخفر السواحل
شاهد 
بدون تحويل لمواقع اخرى أو فتح صفحات كثيرة.. بدون اعلانات و بدون تقطيع
 شاهد جميع حلقات مسلسلات وبرامج رمضان
و أيضا مشاهدة مباريات اليوم.. اونلاين
على هاتفك او الكمبيوتر بجودة عالية.. 
 
شاهد البث المباشر لجميع القنوات الفضائية أونلاين.. و مسلسلات رمضان
 على موقع هايل
 بجودة مناسبة لباقة النت الخاصة بك
 بوضوح و بدون تقطيع.. 
 
لكل الناس في أي مكان بـ العالم.. على الهاتف أو الكمبيوتر..
رمضان هذا العام أكثر تميزًا مع ⭐فيديو هايل⭐!
استمتعوا بأقوى المسلسلات، البرامج، والعروض الحصرية
التي تجمع بين الدراما، الكوميديا، والأكشن
بجودة لا تضاهى.
تابعونا فقط على موقع فيديوهات هايل الأصلي،
واحذروا المواقع المقلدة
حفاظًا على بياناتكم
وحمايةً لكم من أي مخاطر إلكترونية.
التصنيف
افلام

Up Next